Барселона го победи Атлетик Билбао (2-0) без поголеми проблеми во последниот натпревар од првото коло на шпанската Ла Лига.
Барселона го отвори овој натпревар подобро и се закани преку Јамал и Рафиња, но нивните обиди беа одлично запрени од Унаи Симон. Сепак, голманот на шпанската репрезентација беше немоќен во 37. минута кога Рафиња постигна гол. Педри беше асистент.
Доминацијата на Каталонците продолжи и во второто полувреме. Избраниците на Ханси Флик продолжија да напаѓаат, а за тоа беа наградени по втор пат во 82. минута. По големата конфузија во задната линија на гостите, Фермин Лопез ја искористи ситуацијата и ги постави конечните 2-0.
И додека целиот фудбалски свет чека расплет на трансфер сагата околу Хулијан Алварез, Барселона продолжи како и обично и забележа уште една победа.
Сега се со два од два во новата сезона во Ла Лига, откако претходно го декласираа Елче со 5-0.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
