Од Шпанија пристигнуваат навистина неверојатни сцени. Фулам одби да изведува пенали по нерешениот резултат 2-2 против Малага, го напушти теренот и со тоа му го препушти трофејот „Коста дел Сол“ на домаќинот.
Играчите на англискиот премиерлигаш разговараа со судиите неколку минути по крајот на натпреварот, а потоа едноставно се упатија кон соблекувалната.
Од Фулам тврдеа дека изведувањето пенали не било предвидено во договорот со кој биле утврдени условите за одигрување на пријателскиот натпревар.
Англичаните имаа и друг проблем. Веднаш по натпреварот, тимот мораше да замине кон аеродромот за да го фати летот за Лондон, па дополнителното задржување на стадионот можеше да им го наруши планот за патување.
Целата ситуација дополнително ја зачини новиот тренер на Фулам, Алваро Арбелоа, кој заработи црвен картон за време на натпреварот. Арбелоа остро протестираше против една судиска одлука, по што судијата го испрати на трибините.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
