Боби Милевски ги пречека фудбалерите за натпреварите во Лигата на нации (ФОТОГАЛЕРИЈА)

Фудбалската репрезентација на Македонија денеска го има првиот собир за јунските натпревари во Лигата на нации.

Селекторот Благоја Милевски во хотелот „Хилтон“ во Скопје, во очигледно повеќе од позитивна атмосфера, претпладнево ги пречека дел од репрезентативците на кои ќе смета за јунските мечеви.

Репрезентацијата ќе биде комплетна во следните денови, а првиот натпревар го играме на 2. јуни во Разград против репрезентацијата на Бугарија. Три дена подоцна „црвено-жолтите“ гостуваат во Гибралтар, а овој циклус ќе биде затворен со домашните натпревари против Грузија на (9. јуни) и Гибралтар (12. јуни).

На овие натпревари ќе отсуствуваат искусните Аријан Адеми и Адис Јаховиќ, додека Милевски повика тројца дебитанти во имињата на Бојан Димоски, Енис Фазлагиќ и Томче Гроздановски.

СПИСОК НА ФУДБАЛЕРИ:

ГОЛМАНИ: Столе ДИМИТРИЕВСКИ (Рајо Ваљекано, Шпанија), Дамјан ШИШКОВСКИ (Докса, Кипар), Кристијан НАУМОВСКИ (Шкупи), Дени ИЛИЕВ (Тренцин, СЛОВАЧКА);

ОДБРАНА: Стефан РИСТОВСКИ (Динамо Загреб, Хрватска), Дарко ВЕЛКОВСКИ (Ријека, Хрватска), Висар МУСЛИУ (Инглоштат, Германија), Кире РИСТЕВСКИ (АЕЛ Лимасол, Кипар), Езѓан АЛИОСКИ (Ал Ахли, Саудиска Арабија), Тодор ТОДОРОВСКИ (Серед, Словачка), Стефан АШКОВСКИ (Сепси, Романија), Никола СЕРАФИМОВ (Залаегерсег, Унгарија), Ѓоко ЗАЈКОВ (Славија Софија, Бугарија), Бојан ДИМОСКИ (Академија Пандев);

СРЕДЕН РЕД: Елиф ЕЛМАС (Наполи, Италија), Енис БАРДИ (Леванте, Шпанија), Стефан СПИРОВСКИ (МТК, Унгарија), Енис ФАЗЛАГИЌ (Висла Краков, Полска), Томче ГРОЗДАНОВСКИ (Злате Моравце, Словачка), Ердал РАКИП (Малме, Шведска), Бобан НИКОЛОВ (Шериф Тираспол, Молдавија), Давид БАБУНСКИ (Дебрецин, Унгарија);

НАПАД: Милан РИСТОВСКИ (Спартак Трнава, Словачка), Бојан МИОВСКИ (МТК, Унгарија), Дарко ЧУРЛИНОВ (Шалке 04, Германија), Александар ТРАЈКОВСКИ (Ал Фејха, Саудиска Арабија), Ваљон ЕТЕМИ (Истанбулспор, Турција), Дориан БАБУНСКИ (Дебрецин, Унгарија);