Некогашниот симбол на туризмот во Плужине, хотелот „Пива“, е урнат, а на негово место ќе се изгради нов, модерен угостителски објект. Инвеститор на проектот е познатиот српски кошаркар Богдан Богдановиќ, кој потекнува од овој крај.
Како што пренесува РТКН, уривањето на стариот хотел го означува почетокот на реализацијата на проектот, кој треба да донесе нова туристичка понуда во Плужине.
Претседателот на општина Плужине, Слободан Делиќ, истакна дека хотелот „Пива“ имал големо симболично значење за градот, но дека дошло време за изградба на објект прилагоден на современите туристички потреби.
„НБА ѕвездата Богдан Богдановиќ гради хотел. Сопствениците полека започнаа со реализација на проектот. Планирана е поголема површина и поинаков дизајн, а очекувам новиот објект да биде модерен и функционален, и да донесе нова вредност за нашата општина“, изјави Делиќ.
Засега не се познати сите детали за проектот, вклучувајќи го конечниот капацитет за сместување и изгледот на идниот хотел.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
