Тренерот на Баерн Минхен, Винсент Компани, е на добар пат кон целосно закрепнување, две недели откако колабираше за време на тренинг на минхенскиот клуб.
Белгискиот стручњак во меѓувреме ја напушти болницата, а неговото враќање на клупата се очекува по репрезентативната пауза. На 23 октомври, Компани ненадејно колабираше за време на тренинг на резервниот тим на Баерн, по што итно беше пренесен во болница.
Лекарите констатирале иритација на мозочните обвивки, односно воспаление на ткивото што ги обвива мозокот и ‘рбетниот мозок, поради што белгискиот тренер мораше да ги прекине сите професионални активности.
Оттогаш, тимот го предводи неговиот помошник Арон Данкс, кој сподели охрабрувачки вести.
„Имав неколку многу добри телефонски разговори со Винс. Тој делува многу позитивно и се чини дека е на добар пат кон целосно закрепнување. Репрезентативната пауза ни дава добра можност да ја разгледаме ситуацијата и да процениме кога би можел да се врати“, изјави Данкс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
