Пет натпревари се одиграа денеска во германската Бундеслига, а имаше неколку интересни резултати.
Најубедлива победа постигна Баер Леверкузен кој со 5-1 го совлада тимот на Аугзбург. Белараби донесе водство од 1-0, а потоа Диаби донесе и 2-0. Мајер намали на 2-1, меѓутоа два брзи на Диаби донесоа предност за „фармацевтите“ од 4-1. Аларио постигна гол за 5-1.
Борусија Дортмунд тешко дојде до победа над Хофенхајм на гостински терен. „Милионерите“ брзо поведоа со голот на Халанд, а Крамариќ израмни за Хофенхајм. Ројс во вториот дел донесе предност од 1-2, а потоа и автогол за 1-3. Домашниот тим преку Рутер успеа да дојде до 2-3 и неизвесна завршница.
Другата Борусија, онаа од Менхенгладбах на домашен терен беше изненадена од Унион Берлин. Два гола на Крузе за голема победа од 1-2. Коне го постигна единствениот гол за Борусија.
Гројтер Фурт успеа да оствари победа над Мајнц 2-0, додека Фрајбург лесно го совлада Штутгарт со 2-0.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
