Претседателот на УЕФА, Александар Чеферин, смета дека Германија е првиот фаворит за освојување на Европското првенство, чиј домаќин е таа земја.
Домаќинот на турнирот во петок во Минхен го отвора ЕП со Шкотска, а вака Чеферин го прокоментира својот избор.
„Веќе им кажав на пријателите, а не знам зошто, но мислам дека Германија е најголем фаворит. Не им оди најдобро во последните години, дури и на големите турнири, но имаат добар тим“, изјави Чеферин за ДПА.
Заедно со Германија, меѓу главните фаворити стави уште три репрезентации, а откри и каде ја гледа Хрватска.
„Франција, Англија и Португалија се исто така главни фаворити. Шпанија не треба да се потценува. Од позадина ќе бидат Хрватска, Белгија, Холандија и можеби Данска“, заврши Чеферин.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
