Клубовите од Македонија полека работат на доведување на засилувања во своите редови, а некогашниот офанзивец на Металург, Дејан Тантуровски е во преговори со прволигашот Македонија ЃП.
Тимот од Ѓорче Петров е во финансиски проблеми и досега двајца играчи го напуштија клубот, а се очекува до крајот на преодниот рок да се направат уште неколку играчки промени. Екипата на Јовица Кнежевиќ прикажуваше солидни партии во првата полусезона, но секогаш изостануваше завршницата која е слаба страна на „лавовите“.
Тантуровски последно во кариерата настапуваше за босанскиот второлигаш Орашје и со оглед на неговите технички способности, би можел да биде квалитетно засилување за напаѓачката позиција на Македонија ЃП.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
