Селекторот на фудбалската репрезентација на Франција, Дидие Дешамп смета дека Пол Погба заслужува подобар статус во Манчестер Јунајтед. Погба не е стандарден првотимец во клубот, се мачи со формата, но и со повреди, а само два пати сезонава на теренот беше 90 минути и тоа во поразите од Тотенхем и Арсенал.
„Немам што да го советувам. Во клубот е во ситуација во која не може да биде задоволен. Не поминува низ најдобриот период од кариерата. Повреди една по друга и вирусот го погоди, потребно му е да најде ритам“, изјави Дешамп.
Погба има 27 години, а во Јунајтед се врати во 2016 кога премина од редовите на италијанскиот Јувентус.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА