Воден од желбата што поподготвен да ја дочека новата сезона, Шкупи вчера потпиша тригодишен договор со 24-годишниот руски напаѓач Џамал Дибиргаџиев, кој пристигнува од рускиот второлигаш Черноморец, а претходно настапувал и за Анжи Махачкала, како и за португалскиот второлигаш Фатима.
„Дојдов во Скопје да постигнам голови. Тоа ќе биде моја задача. Минатата сезона постигнав 17 голови на 20 настапи и имав шест асистенции. Прогласен сум за најдобар стрелец, но сакам сето ова да остане зад мене, бидејќи дојдов во Скопје по нов предизвик“ – вели Дибиргаџиев по пристигнувањето во Скопје, притоа дополнувајќи:
„Во моментот кога одлучив да дојдам во Скопје, гледав и видеа од клубот и навивачите, ги споделив и видеата на Инстаграм и видов дека има голема армија на навивачи. На крајот на краиштата, сите знаеме дека фудбалот се игра за навивачите и се надевам дека за еден месец тие ќе се вратат на трибините и заедно ќе се радуваме на успесите на клубот“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА