Дресот на Мајкл Џордан кој го носел на натпреварите од НБА лигата ќе биде најскапиот во спортската историја.
Во 1998 година, Чикаго Булс ги победија Јута Џез со 4-2 во финалето на НБА и станаа шампиони, а МВП на финалната серија беше никој друг освен Мајкл Џордан. „Неговото Летечко Височество“ одигра неверојатна серија и имаше 24 поени во третиот натпревар кога Чикаго победи со 96-54, односно 42 поени разлика, и тоа е сè уште најубедливата победа во натпревар од финалето досега.
Сега, 28 години подоцна, дресот на Мајкл Џордан од третиот натпревар е ставен на продажба и ќе стане најскапиот во историјата, бидејќи се предвидува дека ќе се продаде за огромни 100 милиони долари!
Американските медиуми наведоа дека сопственик на овој дрес е инвеститорот и актер Роб Гоф и дека тој рано го започнал својот „лов на богатство“ и успеал да го добие тој дрес.
Мајкл Џордан и Чикаго Булс потоа ја освоија втората „триплета“, односно втор пат успеаја да освојат три шампионски титули по ред, а во 1998 година, Чикаго беше последниот шампион на НБА.
„Не знаев каде е и не ми беше лесно да го најдам. Ја најдов вистинската личност која ме упати кон друга личност и за жал никогаш не го запознав сопственикот на дресот бидејќи платив за сè преку посредник, а тој заработи милиони долари од него“, додаде Роб Гоф.
Гоф стана сопственик на овој дрес пред четири години, а сега го продава и се проценува дека тоа ќе биде првиот дрес носен на натпревар што подоцна ќе биде продаден за толку пари, односно 100 милиони долари.
Michael Jordan’s 1998 Finals jersey could make history.
The jersey Jordan wore in Game 3 of the 1998 NBA Finals is headed to auction, and owner Rob Gough believes it could reach an unprecedented price.
“I think this will be the first jersey to hit $100 million.”
Jordan wore… pic.twitter.com/mxyN7r7F4w
— OLDSKOOLBBALL (@oldskoolbballx) August 23, 2026
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
