Реал Мадрид се одлучи да го раскине договорот со Еден Азар, една година пред неговиот истек. Шпанските медиуми пишуваат дека покрај тоа, „кралевите“ ќе му ја исплатат и последната година од договорот, и дека тој нема веќе да биде дел од најтрофејниот клуб во ЛШ.
Меѓутоа тоа не е се од Белгиецот. Шпанците наголемо пишуваат дека после тоа Азар ќе ја заврши и својата кариера на 32-годишна возраст. Тој во 2019 година стигна во Мадрид како големо засилување за Реал, но никогаш не го покажа својот потенцијал на „Сантијаго Бернабе“, и беше далеку од формата која ја имаше во Челси.
Неговто страдање очигледно е пред самиот крај. Азар накачи и повеќе килограми, и се потешко оди неговото враќање на терените од се почестите повреди.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА