Фудбалерите на Барселона го победија Бетис со 3-1 во последниот натпревар пред своите навивачи оваа сезона, за 19-та победа на Каталонците во 19-от натпревар пред своите навивачи во сезоната што завршува следниот викенд.
Двоен стрелец беше Рафиња, еден гол даде Кансело, но централна фигура на натпреварот, без сомнение, беше напаѓачот во заминување, легендарниот Роберт Левандовски, кој го одигра последниот натпревар на Камп Ноу за славниот тим.
За жал, прошталниот натпревар не заврши со гол, но тој сигурно си заминува како еден од најпродуктивните стрелци што каталонските гиганти некогаш ги имале во своите редови.
Лева постигна 119 гола на 192 натпревари откако пристигна во клубот пред четири сезони.
Ханси Флик му направи чест да го замени, така што Полјакот доби овации од целиот стадион што го расплака полскиот репрезентативец.
legend we will always love u robert and we will always be grateful u chose to come here pic.twitter.com/tDabHFPn8X
— mona (@culerenjun) May 17, 2026
На крајот од натпреварот, тој заврши и во рацете на своите соиграчи.
Неговиот соиграч Рафиња исто така покажа почит, подавајќи му ја капитенската лента. Еден од најдобрите стрелци на сите времиња со тоа затвори уште едно спектакуларно поглавје во својата кариера.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
