Кошаркарите на Еуро Никел стигнаа до лесен триумф на домашен терен над Кожув (78-63) во 17. коло од кошаркарската лига на Македонија. Кавадарчани одлично го отворија натпреварот, особено во фазата на напад и по првите десет минути имаа предност од седум поени 24-17.
Во втората четвртина се играше во егал, и гостите од Гевгелија успеаја да ја добијат со два поени и на пауза да заминат со негатива од (37-32). Избраниците на Самарџиев одиграа одлично во третиот период по кој првпат стигнаа до двоцифрена предност од 58-48.
До крајот рутински го приведоа мечот за конечни 78-63. Дарко Соколов со 16 и Кирил Николовски со 14 беа најдобри поединци кај победникот, додека кај поразениот тим Бродвеј заврши со 17 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
