Еуро Никел стигна до уште една победа во Првата кошаркарска лига откако во 22. коло славеше над Ангели со убедливи 104-72. Вицешампионот кој се наоѓа во серија од пет натпревари без пораз ја оправда фаворитската улога и ја зголеми победничката низа во пресрет на вториот дел од сезоната кој го започнува со вкупно 14. победи.
Избраниците на Самарџиев текот на натпреварот го назначија уште од самото отварање, а и покрај тоа што Ангели успеаја да останат во резултатска неизвесност по првата четвртина (19-15), домашниот тим одигра одлично во нападот до крајот на првото полувреме. Високите играчи во „сино-бело“ до диктираа темпото во нападот, добраната беше на ниво па кавадарчани стигнаа до предност од 47-29.
Работите не се променија ниту на отварањето на второто полувреме. На центрите поентерски им се приклучија и бековите за кои гостите од Скопје немаа решение па со тројката на Караколев со звукот на сирената преднсота достигна дотогаш највисоки 71-44. Последната четвртина беше само формалност во која акцентот беше ставен на нападот па Еуро Никел успеа и да ја надмине границата од сто постигнати поени.
Обрад Томиќ и Предраг Самарџиски беа лидери на Еуро Никел со по 14 постигнати поени на кои Македонецот додаде и 6 скока. Со 13 поени нив ги следеше Караколев, додека со по 10 поени натпреварот го завршија и Соколов и Џекиќ. 18 поени и 6 скока за гостите забележа Адријан Наумоски, додека дабл-дабл од 15 поени и 10 асистенции додаде Грифин Раме.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
