Екипите кои се заинтересирани да добијат трајна лиценца за настап во Евролигата ќе мора да издвојат вистинско богатство.
Заинтересираните екипи, засега се 11 кои сакаат да имаат загарантиран настап во Евролигата без разлика на нивниот учинок во домашните шампионати, ќе ора да платат дури 50 милиони евра.
Заинтересираните екипи, меѓу кои се и Црвена Звезда и Партизан, не мора оваа сума да ја платат одеднаш, туку 25 отсто од вкупната сума, односно 12.5 милиони евра, ќе треба да ги уплатата на сметката на Евролигата до 15 октомври годинава.
Останатите 37.5 милиони евра, клубовите би ги исплаќале на рати на наредните десет години. Годишната рата ќе изнесува 3.75 милиони евра, односно околу 312.000 евра месечно.
Одлуката кои екипи ќе добијат трајна лиценца ќе биде донесена на крајот од месецов. Од 11-те заинтересирани екипи, осум ќе добијат трајна лиценца.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
