Цеск Фабрегас на својот профил на инстаграм се пофали дека неговата прабаба е медицински феномен, на 95 години успевајќи да го победи коронавирусот. Општо познато е дека вирусот Ковид-19 е многу поопасен за највозрасните старосни групи, но прабабата на Фабрегас е исклучок од ова правило.
„Има 95 години и го победи коронавирусот. Нејзиниот тест вчера беше негативен. Мојата прабаба е суперхерој, но ништо немаше да бие возможно без помошта на докторите и медицинските сестри кои им помагаат на сите овие луѓе. Огромна почит за секој од нив, за сето она што го прават деноноќно“, напиша Фабрегас на инстаграм-профилот, со фотографија од својата „супер-бабичка“.
Шпанскиот ас претходно се реши за фантастичен гест, одбивајќи воопшто да зема плата за овие четири месеци, пари што ќе бидат насочени кон административците во клубот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
