Најдобрата македонска тенисерка Лина Ѓорческа е на чекор од главниот турнир на Австралија Опен, откако во второто квалификациско коло славеше против Унгарката Далма Галфи во два сета.
За само 54 минути игра, Ѓорческа комплетно ја „збриша“ унгарската тенисерка победувајќи ја со 6-1,6-1. Во извонредна игра македонската тенисерка не и остави на противничката да здивне, оставајќи и само два гема.
Во последното квалификациско коло за влез на главниот турнир во Мелбурн, Ѓорческа ќе треба да се соочи до победничката од швајцарската пресметка Стефани Вогел (која е прва носителка во квалификациите, 114. место на ВТА листата) или родената прилепчанка Амра Садиковиќ која настапува за Швајцарија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
