ФИБА ги објави салите во кои ќе се игра Мундобаскетот 2027

  • Екипа
  • 26.08.2026 / 08:49
  • СПОДЕЛИ:

ФИБА ги потврди четирите арени во кои ќе се игра Светското првенство во кошарка во 2027 година, чиј домаќин ќе биде Катар.

Мундобаскетот ќе се одржи од 27 август до 12 септември 2027 година, а турнирот ќе биде јубилеен, 20-ти во историјата.

Натпреварите ќе се играат во четири објекти:

-Лусаил Арена – капацитет од 15.227 гледачи;
-Ал Атијах Арена – 8.600 гледачи;
-Ал Џануб Арена – 8.200 гледачи;
-Духаил Арена – 5.500 гледачи.

Најголемиот објект ќе биде Лусаил Арена, која ќе биде главната сцена на завршницата и ќе ги пречека полуфиналните натпревари и големото финале.

Особено внимание привлекува Ал Џануб Арена, бидејќи станува збор за фудбалскиот стадион „Ал Џануб“, познат по Светското првенство во фудбал во 2022 година. Објектот ќе биде адаптиран во кошаркарска арена за потребите на Мундобаскетот.

Духаил Арена, пак, со 5.500 места ќе биде најмалиот објект на шампионатот и ќе биде домаќин на натпревари од групната фаза.

Мундобаскетот во Катар ќе биде историски и по тоа што за првпат Светското првенство во кошарка ќе се одржи во арапскиот свет. На турнирот ќе настапат 32 репрезентации.

Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

  • СПОДЕЛИ:


Се вчитува...