Џастин Гатје го загуби најголемиот меч во досегашниот дел од неговата кариера, откако во втората рунда беше „угушен“ од Нурмагомедов. Сепак, за разлика од последната „војна“ меѓу Хабиб и Конор Мекгрегор, американскиот борец се покажа како беспрекорен спортист, па меѓу првите пријде и го утеши Нурмагомедов додека тој низ солзи му ја посветуваше победата на својот татко и објави крај на кариерата.
„Му реков реков дека досега немав можност да му кажам колку ми е жал за смртта на неговиот татко. Исто така, дека татко му е бескрајно горд на него“, откри Гатје.
Што се однесува до борбата, Американецот можеше само да му честита на поквалитетниот противник.
„Поразот боли и ќе морам да најдам начин да се носам со него. Имам самодоверба, вложив многу во себе и знам дека луѓето ја ценат мојата работа. Ќе се вратам посилен“, истакна американскиот борец.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА