Дарко Панчев беше вистинска напаст за противничките дефанзивци додека ги бранеше боите на Црвена Звезда, постигнувајќи бројни погодоци за радост на „црвено-белите“ во походот кон европската титула.
Незаборавен е неговиот последен пенал во рулетот во Бари, за освојувањето на европската круна во финалето против Олимпик Марсеј, но дел од фудбалската јавност деновиве се потсети и на погодокот што Панчев го постигна во полуфиналето од Купот на Европските Шампиони, на гостувањето против Баерн Минхен.
Темата е – перфектно реализиран контранапад, нешто Црвена Звезда во оваа акција го одработе до перфекција, по преземањето на поседот Маровиќ му додаде на Радиновиќ, кој го пронајде Просинечки. Големиот ас повлече контранапад и одигра извонредно додавање на противничката половина кон Биниќ. Брзоногиот крилен фудбалер беше мајстор за центаршутеви, тоа го докажа и наоѓајќи го Панчев на вториот дирек, а Македонецот во манир на голем стрелец рутински ја смести топката во мрежата.
“Siri, find me an example of a textbook counter-attacking goal”
“Your search returned Darko Pancev for Red Star vs Bayern 29 years ago today…”pic.twitter.com/5vVU2mj69T
— Proper Football (@sid_lambert) April 10, 2020
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА