Македонскиот одбојкар Ѓорѓи Ѓоргиев игра во животна форма, предводејќи го тимот на Париз до титулата во силната француска лига. Одличните настапи на Ѓоргиев придонесоа македонскиот ас да биде избран и во „дрим-тимот“ на сезоната во францускиот одбојкарски шампионат, каде тој е избран за најдобар техничар во лигата.
Нема сомнеж дека Ѓоргиев ќе биде меѓу главните адути на македонската репрезентација и на претстојното Европско првенство во Словенија, на кое „спартанците“ ќе дебитираат на едно големо натпреварување на репрезентативен план. За потсетување, Македонија е дел од групата Ц што ќе се игра во Љубљана, каде нашите одбојкари за ривали ќе ги имаат домаќинот Словенија, европскиот првак Русија, како и селекциите на Финска, Турција и Белорусија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
