Женската ракометна репрезентација на Македонија во четврток ја пречекува Црна Гора во ЕХФ купот.
Капитенот на репрезентацијата Елена Ѓорѓиевска вели дека и е многу мило што младите летово докажаа дека имаат квалитет.
„Има многу млади и талентирани играчи. Мило ми е што покажаа и докажаа дека има квалитет и има иднина во женскиот ракомет во Македонија. Периодот е краток и не може да се очекува многу од нас. Ние искусните ќе се обидеме на секој можен начин да им помогнеме на младите. Имаме многу новитети, нов селектор и се надевам дека ќе покажеме карактер и срце на терен, па чекор по чекор да се поклопуваат работите како што треба“, изјави Ѓорѓиевска.
Натпреварот меѓу Македонија и Црна Гора ќе се игра во четврток во СЦ „Борис Трајковски“ во Скопје со почеток во 20.15 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
