По четири порази во низа, Гостивар конечно им се врати на победите во кошаркарската лига на Македонија, откако славеше на гостувањето кај Кожув со тесни 78-80 во натпревар од последното коло во регуларниот дел од сезоната.
Домаќините подобро го отворија натпреварот. Шутерски беа расположени и по десет минути игра имаа предност од 29-22. Гостиварци уфрлија во повисока брзина во вториот период и со одлична игра на полувреме заминаа со предност од 43-48.
Третиот период се играше во егал, а пред последните десет минути резултатот на семафорот изнесуваше 61-68. Домаќините успеаја целосно да се вратат и да го внесат натпреварот во неизвесна завршница, но кошаркарите на Гостивар беа посмирени во финишот и стигнаа до нова победа.
Никола Силаџи со 22 поени беше прво име во таборот на победникот, додека кај домаќините се истакна Тач Унрих со 19 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
