МЗТ Скопје 2 забележа уште една огромна победа во рамките од Првата лига, триумфирајќи на домашен терен над Гостивар со резултат 77-72. За младите „штркови“ ова беше втор триумф во низа што ќе биде исклучително значаен во трката за опстанок, воедно и ја потврди слабата форма во која се наоѓа Гостивар во поголемиот дел од оваа натпреварувачка сезона.
Гостите од Гостивар беа подобри во првата четвртина (15-18), но како пресудни се покажаа вторите десет минути кои минаа во апсолутна доминација на младите кошаркари на Боро Даскалоски. МЗТ 2 го доби овој период со 32-18, на одмор замина со двоцифрена предност и успеа да се одржи во водство до самиот крај на мечот, стигнувајќи до заслужена победа.
За МЗТ Скопје 2 ова беше шеста овосезонска победа, трета во последните пет кола, додека Гостивар го загуби и четвртиот меч во последните пет рунди.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА