Селекторот Кристијан Грчевски денеска го објави скратениот список од 20 ракометарки кои ќе бидат во комбинација за настап на последните две средби од квалификациите за ЕП 2024, во кои Македонија најпрвин ќе гостува на Азербејџан, а потоа на домашен терен ќе ја пречека Литванија.
Нашите ракометарки со две победи и два порази моментно се второпласирани во групата, речиси сигурно ќе обезбедат пласман на ЕП, а еден триумф во последните две средби би требало да биде сосема доволен за освојување на второто место во групата.
На скратениот список на Грчевски не се најдоа повредените Дабевска и Божиновска, a во однос на последниот двомеч со Шпанија има и промена на голманската поиција, каде е повикана Ема Кирова на местото на Слободанка Кицевска.
Македонија ќе му гостува на Азербејџан во Баку на 3 април, а четири дена подоцна на ред е домашниот меч со Литванија, закажан за 7 април во 18 часот во СЦ „Борис Трајковски“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
