Менаџерот на Хибернијан, Дејвид Греј, беше задоволен што неговиот тим најде начин со гол во самиот финиш да стигне до триумф од 2-1 над Шкендија, со што шкотскиот тим со предност ќе патува на реваншот во Скопје закажан за следниот четврток.
Тој е задоволен од покажаниот карактер на својот тим, посочувајќи дека нереални биле одредени прогнози пред мечот дека Хибернијан лесно и убедливо ќе го совлада македонскиот вицешампион.
„Не можам да застанам овде и да ви кажам дека сум незадоволен, дека сме требале да победиме со три, четири или пет гола разлика затоа што тоа едноставно не е реално. Ниту пак одигравме толку добро за да заслужиме такво нешто. Среќен сум за победата, но факт е дека имаме уште многу работа. Ми се допадна карактерот, начинот на кој доминиравме во завршните десет минути и успеавме да стигнеме до победничкиот гол. Ме разочара начинот на кој го примивме голот, тоа е нешто на што ќе мора да поработиме… Задоволен сум што победивме, но свесни сме дека ова е само прво полувреме, пред нас е реванш во Македонија на кој ќе мора да играме уште подобро ако сакаме да стигнеме до следната рунда“, изјави Греј.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
