Колумбиецот со македонски пасош, Себастијан Херера продолжува со одличните партии во дресот на унгарскиот МТК. Тој денеска во четвртфиналната победа на својот клуб од 1-2 беше стрелец на првиот погодок за тимот од Будимпешта.
Херера е поранешен фудбалер на Работнички, кој и тоа како е познат за селекторот Игор Ангеловски од времето кога ги предводеше „романтичарите“.
Јасно е дека Херера е уште една повеќе од добра опција за македонската репрезентација, исто како и неговиот соиграч од нападот на МТК, Бојан Миовски, кој игра извонредно во унгарскиот шампионат, посебно ако се знае дека поради пандемијата со коронавирус и ограничувањата во Европа, ФИФА ги ослободи клубовите од задолжителното пуштање на играчите за националниот тим во март.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
