Во второто коло на Европскиот клупски Куп во шах, ШК Алкалоид извојува нова победа над екипата Раика Рапид од Австрија.
Текот на мечот покажа дека нема лесни противници, па така по три часа игра резултатот во мечот беше нерешен, со три реми на прва, втора и четврта табла кај Андреикин, Шанкланд и Криворучко. Највозбудлива партија беше на Андреикин, во која велемајсторот од АЛКАЛОИД жртвуваше фигура за напад, а противникот успеа да ги најде единствените потези и партијата заврши реми со вечен шах. Потоа, со сигурна игра и победа Владислав Ковалев донесе водство за АЛКАЛОИД. Следеа цели поени за Панчевски и Инаркиев до конечни 4,5-1,5 во мечот.
По одиграни две кола, 16 екипи (од вкупно 66 клуба кои учествуваат) имаат максимални 4 бода.
Во третото коло, ШК Алкалоид за противник ја има екипата Медњи Всадник од Санкт Петербург, Русија – минатогодишниот шампион. Мечот секако ќе биде дерби на колото, и еден од најважните мечеви за АЛКАЛОИД на целиот турнир.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
