Бренд амбасадорот на Видеолотарија Касинос Австрија, Игор Стефановски Иџе е во Швајцарија. Викендов автомобилскиот шампион го очекува нов предизвик во Европскиот шампионат на ридски патеки (еHC), на патеката Сент Урсан во Швајцарија.
Летечкиот Македонец, Игор Стефановски викендов продолжува со својот поход. Во рамки на Европскиот шампионат на ридски патеки, која годинава има 10 трки, ќе се вози осмата трка. Бренд амбасадорот на Видоелотарија Касинос Австрија, Иџе ќе вози на патеката Сент Урсан во Швајцарија. Оваа патека за него не е нова.
„И викендов очекувам добра трка. Посакувам да постигнеме одличен резултат. Би сакал да се заблагодарам на сите кои во мојот тим, го препознаа потенцијалот и не поддржаа за натпреварувањата за оваа сезона, особено моите спонзори кои веруваат во мојот потенцијал“ – вели Стефановски.
Тој и овојпат не ги крие своите шампионски амбиции, за кои верува дека ќе може да се реализираат. Стефановски во генералниот пласман во Европскиот шампионат на ридски патеки е на првата позиција, по седум трки.
По завршувањето на трката на патеката Сент Урсан во Швајцарија, до крајот на шампионатот, остануваат да се возат уште две трки.
Видеолотарија Касинос Австрија силно верува и го поддржува летечкиот Македонец во неговите шампионски амбиции.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
