Италијанскиот стратег Родолфо Ваноли ќе биде нов селектор на фудбалската репрезентација на Косово. Тој за медиумите во својата земја потврди дека прифатил да седне на клупата на косовската репрезентација и да ја предводи во наредните две години.
„Ја прифатив понудата на федерацијата на Косово, но со одредени услови. Разговарав со одредени играчи и тие ме уверија дека се подготвени да дадат свој максимален придонес за селекцијата да се подигне на едно повисоко ниво“, изјави Ваноли.
Тој е тренер на словенечкиот Заврч, а во кариерата ги има водено и Лугано, Белинцона, Копер и Олимпија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
