Јошко Гвардиол дополнително го зголеми интересот од страна на европските гиганти по успешниот настап за Хрватска на Светското првенство во Катар каде поранешната југословенска држава во освои бронзениот медал.
Младиот 20-годишен стопер за кој Челси изрази голем интерес, а испрати и понуда од 90 милиони евра изминатото лето се најде и на радарот на Реал Мадрид па и покрај тоа што Лајпциг се обидува на секој начин да го задржи во своите редови јасно е дека нема да може уште долго да одолева на богатите понуди.
Германските медиуми откриваат дека Хрватот во договорот со германскиот тим има откупна клаузула од 110 милиони евра која може да биде активирана по летото 2024 година па ќе биде интересно да видиме дали во меѓувреме некој ќе го „одврзе ќесето“ за еден од најперспективните дефанзивци на денешницата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА