Македонската кошаркарска репрезетнација до 18 години го освои меморијалниот турнир „Боби Петковски“ што се одржа овој викенд во Гевгелија. По победите над Грција и Бугарија, денеска нашите јуниори ја победија и Црна Гора со 65-57 во натпревар во кој имаа целосна контрола.
Црногорците парираа на теренот само во воведните минути по што следеше одлична игра на избраниците на Симиќ кои водството од 16-11 по првите 10. минути го зголемија на 36-26 на полувремето. Добрата игра продолжи и на отварањето на второто полувреме во кое беше достигната и највисоката преднсот од 20 поени (53-33), но опуштањето во последната четвртина црногорската репрезентација го искористи за намалување на негативата.
Предводник на Македонија со 24 поени и 9 скока беше Теодор Симиќ, 13 поени и 5 асистенции додаде Андреј Шошкиќ, додека со 8 поени и 8 скока мечот го заврши Петар Бошалевски. Лидер на Црна Гора со 14 поени и 3 скока беше Игор Јоковиќ.
По завршувањето на турнирот во Гевгелија, нашата репрезентација продолжува за Дарувар, каде на 19. и на 20.јули, ќе одигра два контролни натпревари против селекцијата на Хрватска.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
