Македонската јуниорска кошаркарска репрезентација не успеа да обезбеди можност во разигрувањето за повисок пласман на Европското првенство од Дивизијата „Б“, по денешниот убедлив пораз од Финска, од 98-77.
Натпреварот беше решен уште во првото полувреме кое Финците го добија со повеќе од убедливи 55-27.
Во вториот дел македонските кошаркари се вратија добивајќи ја третата четвртина со 32-24, но тоа беше се, а недоволно за било каков пресврт.
Најефикасен во македонскиот состав беше Цветковски со 20 поени.Даневреализираше 15 поени, на кои додаде и пет скока, додека капитенот Ѓорѓевиќ го заврши натпреварот со седум поени, шест скока и дури 15 асистенции.
Веќе утре нашите репрезентативци ги очекува нов предизвик. Во дуелот против Исланд, со почеток од 15:30 часот, ќе се борат за место во разигрувањето за 13. позиција на шампионатот во Ријека и Опатија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
