Јувентус ја одржува предноста од четири бода во однос на Лацио откако „црно-белите“ вечерва рутински триумфираа на гостувањето против Џенова со 1-3.
По неколкуте неискористени шанси во првото полувреме, резултатот на почетокот од вториот дел го отвори Дибала по една одлична соло-акција и прецизен удар со левата нога. На 0-2 зголеми Роналдо со прекрасен удар од дваесетина метри, а третиот погодок на Јувентус беше уште поубав, ремек-дело на Бразилецот Коста, кој со левата нога го погоди десниот горен агол од голот на Перин. Удобното водство му овозможи на тренерот Сари уште кон средината на второто полувреме да ги повлече од игра клучните фудбалери, одморајќи ги во пресрет на градското дерби со Торино што е на програмата в сабота.
Џенова до крајот успеа само да го ублажи поразот преку Пинамонти. Горан Пандев влезе во игра во 76. минута од овој натпревар, но македонскиот репрезентативец не се најде во ситуација да го загрози голот на Шчешни.
Dybala gets the first goal
pic.twitter.com/OunSNvyB7p— Football World (@FTTV10) June 30, 2020
What a goal by Ronaldo
pic.twitter.com/UDAusDBY38— Football World (@FTTV10) June 30, 2020
This goal from douglas costa ? pic.twitter.com/fEocKkiEhP
— Simon (@scarfacecfc) June 30, 2020
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
