Кошаркарската федерација на Македонија одржа работен состанок со претставниците на клубовите – членки на Здружението на клубови од Суперлигата, на кој беа разгледани повеќе прашања поврзани со организацијата и подготовките за новата натпреварувачка сезона 2026/2027.
Она што е клучно, беше извршено ждребање за календарот за новата натпреварувачка сезона, што официјално ќе стартува на 3/4 октомври.
Шампионот МЗТ Скопје на домашен терен ќе го пречека составот на Куманово, Работнички тргнува од гостување во Струмица, а интересно се очекува да биде на дуелот меѓу Скопје и Кожув, каде гостинскиот тренер Миодраг Тодоровиќ со тимот од Гевгелија ќе гостува на клубот со кој ланската сезона (тогаш под името Маџари) направи историски успех стигнување до плејоф-финалето.
ДВОЈКИ 1. КОЛО (3/4.ОКТОМВРИ)
Струмица – Работнички
Пелистер – ТФТ
Скопје – Кожув
МЗТ Скопје Аеродром – МКК Куманово
Штип – Тиквеш Голден Игл
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
