Женската ракометна репрезентација на Македонија претрпе пораз од 22-18 на првиот дуел од баражот за СП 2025 против селекцијата на Полска. Домаќинките ја оправдаа фаворитската улога во голем дел од мечот, на десет минути до крајот имаа 22-12, но Македонија покажа дека никогаш не се предава, со фуриозен финиш стигна до „минус четири“ како најава за пеколна атмосфера на реваншот што е закажан за сабота во Битола.
Десниот бек на нашиот национален тим Јована Кипријановска се надева дека полна ќе биде арената „Боро Чурлевски“ во Битола и дека ќе им помогне да го изненадат големиот фаворит.
„Тежок натпревар во Полска со доста промашени зицери, технички грешки и затоа резултатот не беше идеален до 45 минута. Последните 15 минути со добра одбрана и борба успесвме да ја намалиме негативата и имаме можност со поголема надеж да влеземе во вториот натпревар. Натпреварот во Битола ќе биде уште потежок, но верувам дека сите до една ќе дадеме и повеќе од својот максимум за да обезбедиме пласман на долго очекуваното светско првенство. Се надевам дека трибините ќе бидат исполнети и сите заедно ќе се радуваме на победа“, изјави Кипријановска.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
