Македонскиот репрезентативец Бојан Миовски и неговиот Абердин со пораз ги почнаа натпреварите во Групата Г од новата сезона во УЕФА Конференциската лига.
Абердин одигра квалитетен меч, но не успеа да го изненади Ајнтрахт Франкфурт кој пред своите навивачи славеше со 2-1. Домашните поведоа уште во 11. минута со голот на Мармуш, за да Абердин во 22. минута израмни преку Полвара.
Сепак, Ајнтрахт во 61. минута со голот на Кох дојде до конечната победа.
Бојан Миовски го одигра целиот натпревар за Абердин, но не успеа да му помогне на својот тим да дојде барем до бод.
Во оваа група, ПАОК триумфираше со 2-3 на гостувањето против Хелсинки.
Фиорентина, во Групата Ф, ремизираше (2-2) на гостувањето против Генк. Во истата група Ференцварош го победи Чукарички со 3-1.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
