Вардар загуби уште еден натпревар на домашен терен, овојпат од составот на Шкендија со 1-2, не користејќи ја одличната атмосфера што ја создадоа домашните навивачи на националната арена.
Комити вечерва се јавија со соопштение со кое јасно ставија до знаење дека се задоволни од својата бројка и очекуваат уште поголема посета на наредните натпревари.
„За нас откажување нема. Не дозволивме капитулација ниту во околности кога се боревме клубот да преживее, нема ниту сега. Затоа веднаш избриши си ја таа опција во главата. Ниту под разно!
Денешното издание ги урна надежите на многу душмани, а ние самите на себеси си докажавме колку е сега важно да сме сите обединети на западната трибина!
Оваа бројка и енергија не смеат да спласнат, напротив мора постојано да растат. Затоа што ние сме Вардар, нема никој друг. Така било – така и ќе остане“, порачаа Комити.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
