Кошаркарот на Хјустон, Тари Исон, поднесе тужба против својата партнерка, меѓу другото, поради заканите со смрт на кои бил изложен.
Исон отишол во полиција дури по неколку инциденти на семејно насилство.
Според порталот ТМЗ, Исон, кој го носи дресот на Хјустон од 2022 година, поднел забрана за приближување против поранешната девојка Мерилин Марика Мело Родригез, поради семејно насилство.
Според судските документи, до кои имал пристап гореспоменатиот портал, Исон тврди дека бил жртва во неколку насилни инциденти. Поточно, тој тврди дека еднаш бил удрен во лицето, додека, како што сведочел, близок соработник на неговата поранешна партнерка наводно му се заканил дека ќе му ги „скрши двете нозе“ и ќе го „убие“.
Тој, исто така, тврдел дека неговата поранешна девојка уништила луксузна облека во вредност од речиси 92.000 долари со белило. Случајот сега се води низ судовите, а играчот бара заштита и на разни места каде што Хјустон ги игра своите натпревари во Калифорнија.
Исон беше избран како 17-ти пик од страна на Рокетс, а во меѓувреме стана важен клуч во играта на тимот со просек од 10,8 поени и 6,3 скока по натпревар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
