По одржаната ждрепка за втората рунда од претквалификациите за ФИБА Евробаскет 2029, познат е и календарот на натпреварите во групата „Ф“, во која машката сениорска репрезентација на Македонија ќе ги одмери силите со селекциите на Австрија и Кипар.
Поради тоа што групата брои три репрезентации, Македонија ќе биде слободна во првото коло, а настапите ќе ги започне на 30 август 2026 година со гостување кај Австрија.
Првиот домашен натпревар нашата најдобра селекција ќе го одигра на 26 ноември 2026 година, кога ќе го пречека Кипар. Во февруарскиот квалификациски прозорец од 2027 година, Македонија најнапред ќе биде домаќин на Австрија, а циклусот ќе го заврши со гостување на Кипар.
Распоред на натпреварите – Група „Ф“
1. коло (27 август 2026)
Кипар – Австрија
Македонија е слободна
2. коло (30 август 2026)
Австрија – Македонија
3. коло (26 ноември 2026)
Македонија – Кипар
4. коло (29 ноември 2026)
Македонија е слободна
5. коло (25 февруари 2027)
Македонија – Австрија
6. коло (28 февруари 2027)
Кипар – Македонија
Македонската репрезентација во втората претквалификациска рунда ќе одигра четири натпревари, по два на домашен и на гостински терен, со цел да обезбеди пласман во следната фаза од квалификацискиот циклус за ФИБА Евробаскет 2029.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
