„Кралевите“ ја прескокнаа и Гранада – Само една победа ги дели од титула во Ла лига (ВИДЕО)

Реал Мадрид е на само една победа до освојување на титулата во Ла лига, откако вечерва во последниот натпревар од 36. коло ја совлада Гранада на гости со 1-2. „Кралевите“ брзо стигнаа до водство од 0-2, со головите на Ферлан Менди во 10. минута и Карим Бензема во 16. минута.

Во вториот дел домаќините почнаа да играат подобро. Во 50. минута преку Макис намалија на 1-2, а до крајот на мечот имаа неколку убави шанси преку кои можеа да го изненадат големиот фаворит и да му откинат два бода во трката за титулата. Реал Мадрид сега има 83 бода, односно четири повеќе од најголемиот ривал Барселона и до крајот на шампионатот му е потребна само една победа да стигне до титула. Гранада останува 10. со 50 бода.

 

Standings provided by SofaScore LiveScore

Се вчитува...