Куманово продолжува со формирањето на ростерот за наредната сезона откако финалистот во Купот на Македонија од годинава осигура уште еден домашен потпис.
По искусните Стајиќ и Крстевски, кумановци го осигураа и потписот на Алек Петкоски, борбениот бек кој доаѓа од редовите на вицешампионот Маџари.
„Со големо задоволство го пречекуваме Алек Петкоски во семејството на МKK Куманово! 💪 Алек е роден на 16 октомври 2004 година, висок е 190 см и настапува на позицијата бек. Во досегашната кариера има настапувано за КК Маџари ГБ во Првата лига и Суперлигата на Македонија, а претходно беше дел и од екипите на ТФТ и Феникс 2010. Има искуство и со младинските репрезентации на Македонија. 🇲🇰
Алек, ти посакуваме многу успех, здравје и одлични натпревари во сино-белиот дрес“, објавија кумановци на официјалниот инстаграм-профил на клубот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
