Римас Куртинаитис ќе продолжи да ја предводи литванската кошаркарска репрезентација до крајот на квалификацискиот циклус за Светското првенство во 2027 година, иако претходно поднесе оставка по поразот од Италија.
Литванската кошаркарска федерација соопшти дека 66-годишниот стручњак ќе остане на чело на националниот тим откако ја променил својата одлука.
„По поразот во Италија, имаше многу емоции и тешки чувства. Одговорноста за поразите на тимот првенствено лежи кај тренерите, а јас сум навикнат да поставувам високи стандарди за себе. Сепак, чувствувам голема поддршка од кошаркарската јавност и одговорност кон литванската кошарка, поради што одлучив да ја продолжам работата“, изјави Куртинаитис.
Претседателот на Литванската кошаркарска федерација, Миндаугас Балчунас, откри дека Федерацијата ги добила оставките на Куртинаитис и на неговиот помошник Томас Пачесас на 8 јули.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
