Италијанскиот калчолигаш Лацио му нуди обновување на соработката на Чиро Имобиле сакајќи да го сочува на „Олимпико“ до 2025 година. Одличниот напаѓач игра во голема форма во Серија А оваа сезона, постигна 27 гола на 26 натпревари, а доби и примамлива понуда од Њукасл за да се пресели во Премиер – лигата и да заработува 7 милиони евра по сезона.
Медиумите на Апенините откриваат дека Имобиле е подготвен да остане во Рим и да го продолжи договорот со „лацијалите“ и за многу помала сума од понудената од Њукасл. Лацио му нуди 4 милиони евра годишно за да игра уште пет сезони на Олимпискиот стадион во Рим.
Лацио е во сериозна трка за шампионската титула во Италија, заостанува само еден бод зад Јувентус на 12 кола до крајот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
