Шкупи е многу блиску до запечатување на шампионската титула во сезоната 2021/22 откако во 28. коло од Првата македонска фудбалска лига славеше на гостувањето против Пелистер со 0-1.
Творец на победата за чаирчани беше Омар Имер кој погоди во 65. минута само неколку моменти откако влезе во игра, а на асистенција на Фреди Алварез.
Македонија ЃП се проби на второто место на табелата откако триумфираше со 1-0 против Работнички. „Лавовите“ до победата дојдоа со маестралната соло-акција и прекрасен погодок на Сефер Емини уште во 11. минута од средбата.
Борец, пак, го изненади Струга ТЛ славејќи сосема заслужено со 2-0. Велешани до предност дојдоа со голот на Ѓорѓевиќ во 64. минута. А, во 77. минута Ѓоргиев од пенал ги постави конечните 2-0.
Во 91. минута Ѓоргиев имаше можност да донесе и 3-0 за Борец, но не успеа да реализира уште еден удар од белата точка.
ПРВА ЛИГА – 28. КОЛО
Битола: ПЕЛИСТЕР – ШКУПИ 0-1
Имери 65′
Скопје: МАКЕДОНИЈА ЃП – РАБОТНИЧКИ 1-0
Емини 11′
Велес: БОРЕЦ – СТРУГА ТЛ 2-0
Ѓорѓевиќ 64′, Ѓоргиев 77′(п)
УТРЕ (16 ч.)
Штип: БРЕГАЛНИЦА – ШКЕНДИЈА
Скопје: СКОПЈЕ – ТИКВЕШ
Тетово: РЕНОВА – АК. ПАНДЕВ
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА