Полскиот напаѓач Роберт Левандовски официјално става крај на својата четиригодишна авантура во Барселона и како слободен играч се подготвува за нов предизвик во кариерата, при што турскиот гигант Фенербахче се појавува како најсериозен кандидат за неговиот потпис.
Искусниот 37-годишен напаѓач веќе се збогува со навивачите на „Камп Ноу“, потврдувајќи дека неговата мисија во Каталонија е успешно завршена. Веднаш по оваа објава, раководството на Фенербахче започна интензивни преговори со неговите претставници за слободен трансфер во Истанбул.
Иако за Полјакот постои сериозен интерес од МЛС-лигата, Италија и богати клубови од Саудиска Арабија, Турците се подготвени да му понудат атрактивен повеќегодишен договор за да го направат главно лице на нивниот нов спортски проект. Идните денови ќе бидат клучни за конечната одлука на еден од најдобрите светски напаѓачи на денешницата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
