Љубомир Савевски ќе биде координато на младинските женски репрезентации на Македонија летово, беше одлучено на денешниот Управен одбор на Ракометната федерација на Македонија. Претседателот на РФМ, Живко Мукаетов го предложи, а тој потоа беше изгласан од Управниот одбор во следните три месеци да работи како координатор на младите женски ракометни репрезентации на Македонија.
„Го предложувам Љубомир Савески да биде координатор на младинските женски ракометни репрезентации. Савевски покажа дека е голем работник кој има создадено многу македонски ракометарки. Голем дел од ракометарките имаат поминато низ неговата школа. Среќен сум што господинот Савевски прифати да се врати во ракометот. За почеток тој да биде ангажиран за јули и август. Да добие логистика и одврзани раце да работи овие два месеци со младите категории. Јас имам голема доверба во него поради тоа што има произведено голем број одлични ракометарки. Договор за координирање на младите репрезентации во летниот период, па потоа ќе видиме што понатаму“, изјави претседателот Мукаетов.
Прв предизвик за Савевски ќе бидат кадетскиот и младинскиот ЕХФ шампионат во јули и август. Савевски беше дел од младинската репрезентација на Македонија што настапи на СП 1997 година во Трабзон, кога во тимот играа Ангеловски, Мисовски, Мојсовски, Марковски, Лазаров, Колев… Генерација која потоа продолжи кај сениорите, а некои веќе имаат и тренерска кариера во Македонија и странство. Савевски после 11 години се враќа на активна работа, а после 14 години одново е селектор на дамите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
