Кавај Ленард би можел наскоро да биде продаден.
Според американските медиуми, Лос Анџелес Клиперс сериозно размислуваат за продажба на Кавај Ленард, а тимот со кој разговарале е Торонто Репторс.
Тимот предводен од клупата од српскиот стручњак Дарко Рајаковиќ би можел да добие огромно засилување – човекот кој ги водеше до шампионската титула во 2019 година.
Репторс тогаш го доведоа Кавај од Сан Антонио Спарс (каде што беше незадоволен) и веднаш ја освоија титулата таа сезона, но го загубија потоа Ленард, кој отиде во Клиперс веднаш по освојувањето на прстенот.
Веќе пишувавме дека Детроит Пистонс беа заинтересирани за него, но се откажаа кога дознаа дека не сака да потпише нов договор со нив.
Џејк Фишер вели дека првите разговори на релација Торонто-Лос Анџелес веќе се одржале, па ќе видиме дали Дарко Рајаковиќ ќе добие играч од шампионски калибар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
