Македонската кошаркарска репрезентација ги започна подготовките за важниот натпревар против Австрија, а селекторот Жозеп Марија Берокал и неговиот стручен штаб ги дочекаа репрезентативците во „Т Арената“ во Скопје.
Со првиот собир официјално започна подготовката за следниот предизвик на националниот тим, кој има големо значење во продолжението од квалификацискиот циклус.
Берокал и неговите асистенти во наредните денови ќе работат на тактичката подготовка и на деталите кои треба да бидат пресудни против Австрија. Фокусот ќе биде ставен и на подигнување на физичката форма и усогласување на играта пред важниот дуел.
Репрезентативците веќе се ставени на располагање на стручниот штаб, а атмосферата во националниот тим е насочена кон што подобра подготовка и максимално издание на паркетот.
Натпреварот со Австрија е нова можност Македонија да стигне до позитивен резултат и да направи важен чекор во борбата за остварување на своите цели.
Од таборот на репрезентацијата во следниот период се очекува да ги интензивираат тренинзите, а вниманието ќе биде целосно насочено кон дуелот со Австријците.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
